O XI Trofeo foi presentado o pasado día 16 en rolda de prensa por Natalia Hermida, Concelleira de Deportes do Concello de Narón, e por Gustavo Vázquez, presidente da Escola Superior de Kárate de Narón.

A que hora temos que estar alí? O Trofeo é o sábado 20 de abril, como xa dixemos. A competición vai ter lugar pola mañá, dende as 10:30 ás 14:30 horas. En total: 4 horas e media de karate puro e duro!!

Quen vai participar? Van competir karatekas de Narón, integrantes de tres equipos do Concello: Escola Superior de Kárate, A Solaina e o Santiago Apostol. Non podemos faltar!! Hai que ir a animalos!! Pero non só van competir entre eles,eh! Van vir karatekas doutras localidades: Fene, Ferrol, Ares, Mugardos, Santiago, Negreira...

A competición vai ser por equipos mixtos, é dicir, poderán formar grupos masculinos e femininos, nas seguintes categorías: benxamín, alevín, infantil, xuvenil e cadete. As idades dos competidores e competidoras estarán comprendidas entre os 7 e os 15 anos.

Gustavo Vázquez, o presidente da Escola de Kárate de Narón e organizadora do torneo, agarda que este trofeo se consolide como un referente no mundo do kárate, e agradeceu ao Concello e ao Padroado de Deportes o seu apoio incondicional.