NOVAS

A Concellería de Formación abrirá o vindeiro luns o prazo de inscrición para un curso de Prevención de Riscos Laborais PRL nivel básico

Publicado o 31 de Outubro de 2019

O Concello de Narón convoca unha nova acción formativa dirixida a persoas empadroadas en Narón, maiores de 18 anos e desempregadas.

A concelleira delegada da área, Natalia Hermida, anunciou que o vindeiro luns, día 4 de novembro ás 8.30 horas, abrirase o prazo de inscrición neste curso sobre Prevención de Riscos Laborais  PRL, e dito prazo rematará o día 11 de novembro ás 13.30 horas.

A acción formativa dispón dun total de 72 horas lectivas que serán impartidas no Centro municipal de formación Irmáns Froilaz, na Gándara e contará cunha visita didáctica a unha empresa da comarca. As datas previstas do curso serán do 15 de novembro ao 5 de decembro de 2019.

As inscricións poden realizarse no Rexistro Xeral do Concello de Narón, Sede electrónica e polos restantes medios contemplados no artigo 16.4 da Lei 39/2015, do 1 de outubro, do Procedemento Administrativo Común das Administraciones Públicas.

Para máis información, pode consultarse na sección de Servizos, Formación e Actividades Municipais da páxina web do Concello, ou contactar co Servizo Sociocomunitario, no teléfono 981337700 Extensión 1108 e 1109.

http://www.naron.es/web/docs/formacion/novasAccionsFormativas.pdf